Մարդատար ինքնաթիռ է կործանվել

Չինաստանի հարավում ավարտվել է Boeing 737 մարդատար ինքնաթիռի կործանման վայրում որոնողափրկարարական աշխատանքների հիմնական մասը։ ՏԱՍՍ-ի հաղորդմամբ՝ այս մասին հինգշաբթի մամուլի ասուլիսում հայտարարել է Չինաստանի քաղաքացիական ավիացիայի վարչության ավիացիոն անվտանգության գրասենյակի ղեկավար Չժու Տաոն։

 

«Ներկայումս հիմնական որոնողափրկարարական աշխատանքները հիմնականում ավարտված են»,- ասել է նա։

 

Ինչպես նշել է Չժու Տաոն, քանի որ որոնողափրկարարական աշխատանքները մոտենում են ավարտին, փորձագետներն անցնում են հաջորդ փուլին՝ տեխնիկական վերլուծություն, հավաքագրված տեղեկատվության ուսումնասիրություն և աղետի հետաքննություն։

 

Ավիացիոն անվտանգության գրասենյակի ղեկավարի խոսքով՝ հետաքննության նախնական արդյունքների մասին հաշվետվությունը կավարտվի վթարի օրվանից 30 օրվա ընթացքում։ Ամբողջական զեկույցը կհրապարակվի հետաքննության ավարտից հետո։