ՀՐԱՏԱՊ. Ալավերդիում և Վանաձորում բնակիչները երկու օր է՝ ադրբեջանցիների են տեսնում

Oragir.news-ը գրում է.

«էսօր ամբողջ օրը ալավերդցիները խոսում են, որ երեկ` ուշ ժամի, ոչ տեղական հագ ու կապով ու արտաքինով մարդիկ են երևացել վատ հայերենով ու ռուսերենով հարցեր տվել մարդկանց` ինչքան է հեռու ադրբեջանը և այլն, ապա անհետացել։ Իբր մեկ այլ թաղամասում մի երեխայի կոնֆետ ու փող են առաջարկել, որ նստի իրենց մեքենան և իբր երեխան փախել է։ Գիշերը տղամարդիկ փնտրել են օտարaկանին, չեն գտել։ Պաշտոնական բան չկա, ասեկոսենե՞ր են, մարդկանց ուշադրությունը շեղելու, թե իրականություն ա»,- իր ֆեյսբուքյան էջում գրել է լրագրող Հրաչյա Պապինյանը։

Oragir.news-ը կապվեց Պապինյանի հետ՝ հարցնելով, թե արդյոք նրանք ադրբեջանցիներ են եղել, և ինչ տրամադրվածություն կա քաղաքում: Նա պատասխանեց. «Հրապարակումից հետո ինձ գրեցին Գյուլագարակից, և հաստատեցին դրա հարյուր տոկոս ճշմարտացի լինելը։ Այսօր էլ՝ Գյուլագարակի ճանապարհին են պարեկներն ինչ-որ հսկողություններ իրականացրել, իսկ երեկ արդեն ոստիկաններն են շրջել, մարդկանց հետ զրուցել, թե ով ինչ է տեսել։ Գյուլագարակի դեպքում ասում էին, որ անգամ անտառներում են թաքնված եղել, կեսին բռնել են, կեսին դեռ չէ։ Ես չգիտեմ, դիվերսանտներ են, թե՝ ոչ, բայց ենթադրում եմ, որ պաշտոնական հայտարարությունից հետո, որ երկու դիվերսիոն խումբ է ներթափանցել Հայաստան, նրանք են»։

Պապինյանի խոսքով՝ Վանաձորում էլ, Ալավերդիում էլ, պաշտոնապես նման հայտարարություն չի եղել. «Բայց մարդիկ իրար վախեցնելու բաներ են ասում, հիմա Ալավերդիում, օրինակ, մեկը մյուսին ասում է՝ դռները փակ պահեք, անծանոթ թխկոցներին մինչև չիմանաք ով է, մի՛ բացեք, այդպիսի անհանգստացնող բաներ»։

Մանրամասները սկզբնաղբյսւր կայքում